Ndoshta nuk ndaj te njejtin mendim me Ty, por do te jepja edhe jeten qe te mund ta shprehje lirshem ate

Gazete e Pavarur, botim i Unionit te Gazetareve Profesioniste te Veriut

Kush jemi ne

Aktuale

Komente

Analiza

Opinione

Kulture

Personazh

Stafi i “VERIU”-t

Rajoni

Sporti

Kontakte

FSHF, nga sot në dorë të Përmbarimit

Federata Shqiptare e Futbollit, do të jetë në dorë të Zyrës së Përmbarim it. Vendimi i Gjykatës së Apelit ka bërë që MTKRS të kërkojë zbardhjen e tij dhe që nga sot të nisë një tjetër betejë me drejtuesit aktualë të futbollit, që është ajo e hapave konkretë që do të ndërmerren për të ndryshuar kokat aktuale të FSHF-së. "Vendimi i Gjykatës do të zbardhet nesër (te marten) dhe ne menjëherë do t'i kërkojmë Zyrës së Përmbarimit që të prishë me nënvizim nenet e ndryshuara në mënyrë të paligjshme nga Federata", u shpreh për "Gazetën" drejtori i sporteve në MTKRS, Mehmet Spahiu. Pavarësisht presioneve të ardhura nga UEFA, Spahiu ka theksuar se vendimi i Gjykatës është mbi gjithçka dhe asgjë nuk do ta ndalojë Ministrinë përpara një fakti të tillë. Sot, Gjykata do të zbardhë vendimin në lidhje me konfliktin shtet-futboll për nenet e ndryshuara të statutit, por ende ështëv e paqartë se çfarë do të bëhet më tej apo se çfarë ka në dorë Ministria pas këtij vendimi. "Pas prishjes së këtyre neneve, është e qartë se Federata aktuale është e paligjshme dhe pushon së ekzistuari. Ne nuk mund të marrim vetë rolin e Përmbarimit, por krerët e FSHF-së mund të kishin zgjedhur një rrugë më të shkurtër dhe të kishin dhënë dorëheqjen. Tashmë s'na mbetet veçse të shohim nëse komuniteti i futbollit ka ndërmend të bëjë ndryshime në institucionin e FSHF-së, për organizimin e një Asambleje të re. Me të tjerët pastaj mund të lejohen ndryshime në statut", ka sqaruar drejtori i sporteve në MTKRS. Shkurt, që nga dita e sotme, Federata Shqiptare e Futbollit është në dorën e Zyrës së Përmbarimit edhe pse UEFA ka kërcënuar që të mos ndërmerret asnjë veprim ndaj institucionit të futbollit derisa delegacioni i saj të vijë në Tiranë. "Ky presioni i UEFA-s më shumë pompohet sesa është real. Ne kemi në dorë një vendim gjykate dhe është mëse normale që nuk mund të hidhet poshtë", ka thënë më tej Spahiu. Delegacioni i UEFA-s, i kryesuar nga shefi i zyrës juridike Marsel Benc do të mbërrijë pasnesër në Tiranë dhe do të ketë një takim vetëm me drejtuesit e FSHF-së.